ԱՄՆ Կալիֆոռնիա նահանգի Օքլենդ քաղաքում խաղաղ ցույցերը վերածվել են անկարգությունների և ոստիկանության հետ բախումների: Ինչպես հաղորդում է Reuters գործակալությունը, ավելի քան 80 մարդ ձերբակալվել է:
Տեղի իշխանությունների տվյալներով` բախումները, որոնց հետևանքով վիրավորվել է 5 ցուցարար և երեք ոստիկան, սկսվել են հինգշաբթի երեկոյան:
Այսպիսով, եթե նախկինում «Գրավեք Օքլենդը» ակցիաները խաղաղ բնույթ էին կրում, այժմ ակցիայի որոշ մասնակիցներ սկսել են ջարդել և այրել քաղաքի կենտրոնի խանութների ցուցափեղկերը: Ոստիկանությունը ստիպված է եղել միջամտել: Ակցիայի կազմակերպիչները նշել են, որ երեկ տեղի ունեցած անկարգությունները ոչ մի կապ չունեն իրենց ակցիայի և գաղափարախոսության հետ:
«Գրավեք Օքլենդը» և նման «նվաճողակլան» ակցիաներ տեղի են ունեում ԱՄՆ և աշխարհի բազմաթիվ քաղաքներում: Ակցիայի մասնակիցները հանդես են գալիս ֆինանսական ինստիտուտների շահագործումների դեմ: