Վաղը կառավարությունը հավանություն կտա ՀՀ համայնքներում քաղաքաշինական էլեկտրոնային թույլտվությունների տրամադրման մեխանիզմների կանոնակարգման հայեցակարգին և համակարգի ներդրման ուղղություններից բխող միջոցառումների ժամանակացույցին:
Ուսումնասիրությունների արդյունքում պարզվել է, որ ներկայում հանրապետության ոչ բոլոր համայնքներն ունեն էլեկտրոնային հաղորդակցության պատշաճ մակարդակի ապահովվածություն` որոշ համայնքներ ունեն էլետրոնային հասցեներ, սակայն նման կապը դեռևս չունի անհրաժեշտ հուսալիություն, բացակայում է նաև էլեկտրոնային կապը մատակարարող կազմակերպությունների և գործընթացին առնչվող այլ մարմինների հետ:
Հայեցակարգի ներդրման նախնական փուլում անհրաժեշտ կլինի մեկ անգամ ևս գույքագրել և անհրաժեշտության դեպքում վերազինել համայնքներում առկա ռեսուրսները, ինչը հիմք կհանդիսանա համակարգի ներդրման նպատակով անհրաժեշտ ծրագրային ապահովման և ֆինանսական միջոցների չափը հստակեցնելու համար:
Քաղաքաշինական էլեկտրոնային թույլտվությունների համակարգի ներդրման միջոցով կապահովվի կառուցապատման գործընթացի իրականացման ընթացքում օրենսդրությամբ սահմանված համապատասխան փաստաթղթերի ձեռքբերման մատչելիությունը` արդիական տեղեկատվական տեխնոլոգիաների կիրառման միջոցով:
