Վերջերս լրագրողները նկատել են, որ Լեոնարդո դի Կապրիոն հանդիպում է մի գեղեցկուհու հետ, ով նախկինում գրավել էր Ռամազոտիի սիրտը:
Դերասանն այժմ ապրում է Սիդնեյում, որտեղ անցկացվում են «Մեծն Գեթսբի»–ի նկարահանումները:
Պապարացիները դի Կապրիոյին նոր ընկերուհու հետ նկատել են, երբ վերջիններս գնացել են ծովափնյա սրճարան: Գեղեցկուհին, ամենայն հավանականությամբ, հետևում է Անջելինա Ջոլիի ոճին՝ թափված սև մազեր, արտահայտված շուրթեր: Ընդ որում՝ նրա շուրթերն այնքան արտահայտված են, որ կասկած է հարուցում, թե արդյո՞ք պլաստիկ վիրաբուժության արդյունք չեն:
«Ավստրալիական պապարացիները պարզել են, որ Լեոնարդոյի գեղեցկուհի ընկերուհին ռումինացի մոդել Մադելինա Գինին է: Վերջինս ապրում է Իտալիայում և նկարահանվում ներքնաշորերի գովազդների մեջ»,– հայտնում է «Էքսպրես» թերթը:
Նախկինում Մադելինան եղել է երգիչ Էրոս Ռամազոտիի ընկերուհին և նկարահանվել է նրա տեսահոլովակներում:
