Ադրբեջանական APA լրատվական գործակալության փոխանցմամբ՝ Բաքվում ընթացող թյուրքալեզու երկրների 2-րդ մեդիա-ֆորումի վերջում ստեղծվել է Թյուրքալեզու երկրների ու համայնքների մեդիա-հարթակ։
Դրանում ներառվելու են Թուրքիայի, Ադրբեջանի, Ղազախստանի, Ղրղզստանի, Ուզբեկստանի, Թուրքմենստանի, ինքնահռչակ Հյուսիսային Կիպրոսի թուրքական հանրապետության, ինչպես նաև համայն աշխարհում բնակվող թյուրքական համայնքների մեդիայի, լրագրողական կազմակերպությունների, հեռուստատեսության, ռադիոյի, տպագիր մարմինների ներկայացուցիչները։
Թյուրքալեզու երկրների ու համայնքների մեդիա-հարթակի քարտուղարությունը տեղակայվելու է Անկարայում։ Ստեղծվում է նաև այդ մեդիա-հարթակի կոորդինացիոն խորհուրդ, որը գումարվելու է տարեկան առնվազն մեկ անգամ և քննարկելու է հրատապ լուծում պահանջող խնդիրներ։ Դրանում որոշումներն ընդունվելու են ձայների մեծամասնությամբ։
Ստեղծվելու է նաև հարթակի վեբկայք։