Կայացավ Իտալիայի առաջնության 9-րդ տուրը:
Այս տուրն անակնկալներից զերծ չմնաց: Նախ` մրցակցի հարկի տակ «Ատլանտա»-ի դիմադրությունը չկարողացավ կոտրել Միլանի «Ինտեր»-ը, սակայն ընթացիկ մրցաշրջանում միլանյան ակումբի սայթաքումները պարբերական են դարձել, և այդ արդյունքը կարծես անակնկալ չէր: Այդ խաղում «Ինտեր»-ի միակ գնդակը հեղինակեց Հոլանդիայի ազգային հավաքականի ներկայացուցիչ Ուեսլի Սնեյդերը:
Սեփական հարկի տակ «Կատանիա»-ի հետ ոչ-ոքի խաղաց մայրաքաղաքային «Լացիո»-ն, որտեղ ամառային տրանսֆերային պատուհանի ժամանակ վարած հաջող քաղաքականությունը տալիս է իր պտուղները: Նորից աչքի ընկավ գերմանացին` Միրոսլավ Քլոզեն, ով այնքան արագ հարմարվեց իտալական ֆուտբոլին, որ կարծես արդեն երկար ժամանակ հանդես է գալիս Ա Սերիայում:
Միլանյան մյուս թիմը` «Միլան»-ը, սեփական հարկի տակ ընդունեց «Պարմա»-ին և ջախջախեց 4-1 հաշվով: Իր առաջին հեթ-տրիկը հեղինակեց թիմի նորեկ Անտոնիո Նոչերինոն:
«Ռոման», որից սպասելիքները շատ ավելի մեծ են, հերթական միավորների կորուստն ունեցավ` մրցակցի հարկի տակ պարտվելով «Ջենոա»-ին` 1-2:
Մեծ հետաքրքրություն էր առաջացրել «Նապոլի» – «Ուդինեզե» խաղը: Դաշտի տերերը անառիկ պահեցին սեփական դարպասը, իսկ մրցակցի դարպասին խփեցին երկու գնդակ: Աչքի ընկան Էզեկիել Լավեցցին և Քրիստիան Մաջջիոն:
Ընդհանուր առմամբ՝ գրանցվեցին հետևյալ արդյունքները.
«Ատալանտա» – «Ինտեր»` 1-1
1-0 Սնեյդեր (32′), 1-1 Դենիս (44′)
«Չեզենա» – «Կալյարի»` 1-1
0-1 Նենե (20′, 11մ), 1-1 Կանդրևա (45+1′)
«Կիևո» – «Բոլոնիա»` 0-1
0-1 Ակվաֆրեսկա (53′)
«Ջենոա» – «Ռոմա»` 2-1
1-0 Յանկովիչ (38′), 1-1 Բորինի (82′), 2-1 Կուցկա (89′)
«Լացիո» – «Կատանիա»` 1-1
1-0 Քլոզե (17′), Բերգեսիո (63′)
«Միլան» – «Պարմա»` 4-1
1-0 Նոչերինո (30′), 2-0 Նոչերինո (32′), 3-0 Իբրահիմովիչ (73’), 3-1 Ջովինկո (78′), 4-1 Նոչերինո (90+1′)
«Նապոլի» – «Ուդինեզե»` 2-0
1-0 Լավեցցի (20′), 2-0 Մաջջիո (44′)
«Նովարա» – «Սիենա»` 1-1
0-1 Կալաիո (17′), 1-1 Գեմիտի (80′)
