Մաթեմատիկոսները գաղտնազերծել են Կոպիալայի տառատեսակ (Copiale Cipher) անունով հայտնի 18-րդ դարի խորհրդավոր ձեռագիրը: Այդ մասին նշված է Հարավային Կալիֆոռնիայի ինստիտուտի կայքում, որի աշխատակիցները մասնակցել են գաղտնազերծման աշխատանքներին
Տեքստի 150 էջանոց ու 75 հազար խորհրդանիշներից բաղկացած բնօրինակն իրենից ներկայացնում է գերմանական գաղտնի կազմակերպության որոշ ծեսերի ու քաղաքական դիտարկումների նկարագրություններ:
Հետազոտության արդյունքները` խորհրդանիշներին համարժեք աղյուսակները, տեքստի բնօրինակը, մեթոդոլոգիան ու առաջին 16 էջերի թարգմանությունը արդեն տեղադրված են համացանցում:
Հայտնի է, որ ձեռագիրը հայտնաբերվել է Արևելյան Գերմանիայում՝ Akademie der Künste-ի արխիվներում, մի քանի տասնամյակ առաջ: Ձեռագիրն ուսումնասիրելը բարդանում էր նրանով, որ գիտնականները չգիտեին` ինչ լեզվով է այն գրված: Նրանց վերջապես հաջողվեց պարզել, որ ձեռագիրը գրված է գերմաներենով, անգամ հաջողվեց գաղտնազերծել որոշ էջեր:
