Ամերիկացի դերասան Ռոբին Ոիլյամսն ամուսնացել է երրորդ անգամ: Այս մասին հայտնում է People ամսագիրը:
Հարսանեկան արարողությունը տեղի է ունեցել կիրակի օրը Նապա հովտում` Կալիֆոռնիայի հյուսիսում: 60-ամյա դերասանի ընտրյալը գրաֆիկական դիզայներ Սյուզան Շնայդերն է:
Ուիլյամսն ու Շնայդերը ծանոթացել են 2009 թ., այն ժամանակ, երբ դերասանը ենթարկվեց սրտի վիրահատության:
Ուիլյամսի խոսքով` հենց Շնայդերի խնամքի շնորհիվ է ինքը հեշտորեն հաղթահարել հետվիրահատական փուլը:
Առաջին անգամ Ռոբին Ուիլյամսը ամուսնացել է 1978 թ.: Ամուսնությունը փլուզվել է 1988 թ. մի շարք սկանդալներից հետո: Մասնավորապես՝ դերասանը մեղադրվում էր ամուսնական անհավատարմության մեջ:
Մեկ տարի անց նա ամուսնանում է արդեն երկրորդ անգամ: Զույգը բաժանվում է 2008 թ.: Առաջին ամուսնությունից Ռոբինն ունի մեկ տղա, երկրորդից` տղա և աղջիկ:
Դերասանը հայտնի է այնպիսի ֆիլմերից, ինչպիսիք են «Ջումանջին», «Ուր են հասցնում երազանքները», «Բարի առավոտ, Վիետնամ», «Մահացած պոետների ակումբը»:
