Ինչպես փոխանցում է Reuters լրատվական գործակալությունը, Նիգերիայի տնտեսական հանցագործությունների դեմ պայքարի հանձնաժողովը տեղի պաշտոնյաներին կաշառք տալու համար մեղադրանք է առաջադրել ԱՄՆ նախկին փոխնախագահ Դիկ Չեյնիին: Նմանատիպ մեղադրանքներ են առաջադրվել նաև նավթային Halliburton ընկերության գլխավոր տնօրեն Դևիդ Լեզարին:
Ըստ նիգերիացի իրավապահների՝ այս գործով անցնում են 8 հոգի: Նրանք ասել են, որ Դիկ Չեյնին այդ ժամանակ եղել է Halliburton ընկերության ղեկավարը և իմացել է հիշյալ կաշառքների մասին:
Մեղադրանքն առաջադրվել է Halliburton-ի կողմից Նիգեր գետի հովտում գազի վերամշակման գործարան կառուցելու թույլտվություն ստանալու նպատակով նիգերիացի պաշտոնյաներին կաշառք տալու համար: Կաշառքի ընդհանուր գումարը կազմաում է 180 մլն դոլար, իսկ գործարքը տեղի է ունեցել 1990-ականների կեսին:
Ըստ փորձագետների՝ գործը բացվել է այն ժամանկ, երբ հայտնի է դարձել, որ առաջիկա նախագահական ընտրությունների ժամանակ, որ տեղի են ունենալու 2011 թ. ապրիլին, առաջադրվելու է նախկին նախագահ Ատիկա Աբուբաքարը, որը ներկայիս նախագահ Գուդլակա Ջոնաթանի հիմնական մրցակիցն է: Աբուբաքարը 90-ականներին է զբաղեցրել նախագահի պաշտոնը, սակայն նա հերքում է իր կապն այս հանցագործության հետ:
