Հունաստանի մայրաքաղաք Աթենքում նոր անկարգություններ են սկսվել խորհրդարանում տեղի ունեացած քվեարկությունից հետո: Ինչպես հաղորդում է Associated Press-ը, հարյուրավոր մարդիկ սկսել են ավերել մայրաքաղաքի կենտրոնի խանութներն ու սրճարանները այն բանից հետո, երբ խորհրդարանում ընդունվել է կոշտ տնտեսական քղաքականության հերթական փաթեթը:
Իմանալով բյուջետային քաղաքականության մեջ նախատեսվող նոր փոփոխությունների մասին` արհմիությունները հայտարարել էին 48-ժամյա գործադուլ և փողոցներ էին դուրս բերել 120 հազար մարդու:
Ականատեսները վկայում են, որ երբ փողոցներից հեռացել են ցուցարարները, նրանց փոխարինել են կողոպտիչները: Վերջիններս հրդեհել են ավտոբուսների կայանատեղիները, ավերել խանութները և սրճարանները: Ոստիկանությունը նրանց ցրելու համար օգտագործել է արցունքաբեր գազ և ջրցան մեքենաներ:
Կոշտ տնտեսական միջոցառումների փաթեթն ուժի մեջ կմտնի միայն յուրաքանչյուր հոդվածի լրացուցիչ քվեարկությունից հետո: Ըստ այդ միջոցառումների` նախատեսվում է 30 հազար պետծառայողների տեղափոխել «աշխատանքային ռեզերվ», ինչը նշանակում է նաև կրճատել աշխատավարձերը և դադարեցնել համատեղ աշխատանքային պայմանագրերը:
