Ռուսաստանի նախագհ Դմիտրի Մեդվեդևի որդին 2007-2008 թթ. հեռուստատեսության աստղ է եղել: Ինչպես հաղորդում է Комсомольская правда-ն, պատանի Իլյա Մեդվեդևը նկարահանվել է մանկական «Երալաշ» հումորային տեսաշարի երկու թողարկումներում՝ այն ժամանակ, երբ հայրը դեռ նախագահ չէր: Երկու դեպքերում էլ նա հանդես է եկել գլխավոր դերում: Թերթը գրում է, որ թեև տողատակերում նշվում է նրա իսկական անունը, սակայն ոչ ոքի մտքով անգամ չէր կարող անցնել, որ երիտասարդ Մեդվեդևը որևէ կապ կարող է ունենալ նախագահի հետ:
«Երալաշ»-ի գեղարվեստական ղեկավարը հրաժարվել է հաստատել կամ հերքել այս տեղեկությունը, սակայն լրագրողները միանշանակ համոզված են դրանում: Նրանք պարզել են, որ Իլյա Մեդվեդևը նկարահանման հրապարակում հայտնվել է սովորական քասթինգի միջոցով, և միայն դերերը հաստատելիս պատահաբար պարզվել է, որ նա Ռուսաստանի կառավարության ղեկավարի առաջին տեղակալի որդին է:
«Նկարահանումների ժամանակ Իլյան իրեն շատ համեստ էր պահում: Երեխան շատ ընդունակ է, ուրախ, ամեն ինչ շատ լավ է անում»,- պատմել է հոլովակների ռեժիսոր Ալեքսեյ Շչեգլովը, ապա ավելացրել. «Այո, ես իմացել եմ` ում որդին է Իլյան, բայց նկարահանման ընթացքը դրանից չի փոխվել: Աշխատել ենք սովորականի պես»:
Չնայած հաջող դեբյուտին` Իլյա Մեդվեդևն այլևս «Երալաշ»-ում չի երևացել: Նրա մասին քիչ բան է հայտնի: Այժմ նա 16 տարեկան է և սովորում է գիմնազիայում:
