Իրանը դադարեցնում է ԱՄՆ-ի հետ միջնորդավորված հաղորդագրությունների փոխանակումն ու բանակցությունները՝ ի նշան Լիբանանում և Գազայում Իսրայելի գործողությունների դեմ բողոքի, հայտնում է իրանական «Tasnim» լրատվական գործակալությունը։
Ըստ պարբերականի հավաստի աղբյուրների՝ քանի որ Լիբանանը եղել է հրադադարի նախապայմաններից մեկը, իսկ ներկայումս այդ համաձայնությունը խախտվել է բոլոր ճակատներում, իրանական բանակցային թիմը կասեցնում է «երկխոսությունն ու տեքստերի փոխանակումը միջնորդների միջոցով»։
Իրանցի պաշտոնյաները շեշտում են, որ որևէ քննարկում չի վերսկսվի, քանի դեռ չեն դադարեցվել ռազմական գործողությունները, և իսրայելական ուժերը լիովին դուրս չեն բերվել Լիբանանի օկուպացված տարածքներից։
Բացի այդ, «Tasnim»-ը հավելում է, որ Իրանն ու «Դիմադրության ճակատը» մտադիր են Իսրայելին և նրա հովանավորներին պատժելու նպատակով օրակարգ բերել Հորմուզի նեղուցի լիակատար փակումն ու այլ ճակատների, այդ թվում՝ Բաբ էլ-Մանդեբի նեղուցի ակտիվացումը։
