Ադրբեջանական Turan լրատվական գործակալության փոխանցմամբ՝ այս շաբաթ Բաքու է այցելելու ժողովրդավարության ու մարդու իրավունքի հարցերով ԱՄՆ փոխպետքարտուղար Վիլյամ Բըրնսը։ Այս մասին լրագրողներին հայտարարել է Ադրբեջանում ԱՄՆ դեսպան Մեթյու Բրայզան։
Վերջինս նշել է, որ Բըրնսի այցի նպատակը բոլոր ոլորտներում երկու երկրների միջև ռազմավարական գործընկերության ամրագրումն է. «Սակայն առաջին տեղում ղարաբաղյան հակամարտության կարգավորման հարցն է։ Բըրնսը նոր գաղափարներ ունի, որոնք նա զարգացրել է ԵԱՀԿ Մինսկի խմբի ամերիկացի համանախագահ Ռոբերտ Բրադկեի հետ։
Բըրնսը նաև քննարկելու է ներքին բարեփոխումների հարցը, որոնց թվում նաև ժողովրդավարական ու տնտեսական վերափոխումները, էներգետիկ համագործակցության ու անվտանգության (խոսքը էներգետիկ ենթակառույցների պահպանման մասին է) հարցերը, այդ թվում՝ նաև Կասպիցի անվտանգության հարցն ու ահաբեկչության դեմ պայքարը»։