Բնապահպան Մարիամ Սուխուդյանն իր տարածած հերթական հաղորդագրության մեջ տեղեկացնում է, որ Թռչկանի ջրվեժ այցելելիս, ճանապարհին իրենց մեքենան կանգնեցրել է ոմն անծանոթ` պնդելով որ դա իր տարածքն է և այնտեղով անցնելու համար պետք է վճարել:
«Նա ստիպողաբար ուզում էր, որ օգտվենք իր «բիսեդկաներից» կամ ուղղակի վճարենք «իր տարածքով» անցնելու համար և պնդում էր, որ արդեն մի քանի հոգուց վերցրել է 5000 դրամ: Նա դրանով փորձում էր ապացուցել, որ օրինական է գործում:
Բնականաբար ոչ մի կոպեկ էլ չտվեցինք ու կոչ եմ անում բոլորին, ովքեր Թռչկան գնալուց այդ ճանապարհից կօգտվեն, 100 դրամ անգամ չտա: Մի սովորացրեք, դրանք շատանում են, Գառնու ձորի շարունակությունն է, մի թողեք ձեր երկրում ձեզնից փող գանձեն ընդամենը ճանապարհով անցնելու համար»,- կոչ է անում բնապահպանը:
