Ուկրաինայի նախագահ Վոլոդիմիր Զելենսկին պատասխանել է ՌԴ նախագահ Վլադիմիր Պուտինի՝ «Զատկի զինադադարի» վերաբերյալ հայտարարությանը։
«Մարդկանց կյանքի հետ խաղալու Պուտինի վերջին փորձի հետ կապված՝ ներկայումս Ուկրաինայում տարածվում է օդային տագնապի ահազանգ։ Ժամը 17։15-ին մեր երկնքում հայտնաբերվել են ռուսական հարձակողական անօդաչու սարքեր։
Ուկրաինայի հակաօդային պաշտպանությունն ու ավիացիան արդեն սկսել են աշխատել պաշտպանության վրա։ Սա է Պուտինի իրական վերաբերմունքը Զատկին և մարդկային կյանքերին»,- նշել է նա։
