Լեհաստանի արտգործնախարար Ռադոսլավ Սիկորսկին հայտարարել է, որ Եվրամիությունը հետաքրքրված է Հարավային Կովկասում առկա հակամարտությունների, այդ թվում՝ Լեռնային Ղարաբաղի խնդրի խաղաղ կարգավորման հեռանկարներով. հայտնում է Regnum գործակալությունը:
Նրա խոսքերով՝ չնայած ղարաբաղյան հակամարտության կարգավորման հարցով զբաղվում է ԵԱՀԿ Մինսկի խումբը, Եվրամիությունը նույնպես կարող է դրական ներդրում ունենալ հակամարտության խաղաղ կարգավորմանն ուղղված բանակցություններում:
«Հարավային Կովկասում Եվրամիության հատուկ ներկայացուցիչ Ֆիլիպ Լեֆորի մանդատը ներառում է Լեռնային Ղարաբաղի խնդիրը»,- հայտարարել է Լեհաստանի արտգործնախարարը:
