Բոստոնի գեղարվեստի ինստիտուտը Թուրքիային է վերադարձրել «Հոգնած Հերակլեսի» արձանի վերին մասը: Բանակցությունները տևել են 20 տարի: Այս մասին հայտարարել է Թուրքիայի վարչապետ Ռեջեփ Թայիփ Էրդողանը: Արձանի մի կտորը Թուրքիա է վերադարձվել անցած շաբաթ օրը Թուրքիայի վարչապետի ինքնաթիռով:
Բոստոնի թանգարանն այս որոշումը «բարի կամքի դրսևորում է» որակել: Թուրքական կողմը մեկ անգամ չէ, որ այս հարցով դիմել էր ամերիկյան կողմին: Արձանը հայտնաբերվել էր Միջերկրածովյան ափամերձ շրջանում 1980 թ. և գողացվել էր պեղումների վայրից: Արձանի ներքևի մասը նույնպես հայտնաբերվել էր այդ տարի և հիմա գտնվում է Թուրքիայի թանգարաններից մեկում: