Իսպանական ընդդիմադիր Ժողովրդական կուսակցության նախագահ Ալբերտո Նունյես Ֆեյջուն կոչ է արել երկրում արտակարգ դրություն հայտարարել՝ կապված հորդառատ անձրևների և ջրհեղեղների հետևանքներով։
Ինչպես հաղորդում է «ՏԱՍՍ»-ը, այս մասին նա ասել է լրագրողների հետ զրույցում։
Նրա խոսքով՝ ընդդիմությունը պատրաստ է աջակցել Իսպանիայի վարչապետ Պեդրո Սանչեսի կառավարությանը՝ աղետից տուժածների համար հրատապ օգնության փաթեթին հավանություն տալու, ինչպես նաև եվրոպական կառույցներից օգնություն խնդրելու համար։
Անցյալ շաբաթ Իսպանիայի հարավային և արևելյան մի շարք շրջաններում հեղեղումների պատճառով եղանակային վտանգի ամենաբարձր մակարդակ էր սահմանվել։ Ամենից շատ տարերքից տուժել է Վալենսիայի Ինքնավար Համայնքը։ Այս պահին հայտնի է ջրհեղեղի հետևանքով գրեթե 220 զոհի մասին։ Անհետ կորածների որոնողական աշխատանքները շարունակվում են:
