Արժույթի միջազգային հիմնադրամը Կատար համարել է 2010 թ. աշխարհի ամենահարուստ պետությունը: Այս մասին հաղորդում է The Global Post-ը:
Հիմնադրամի տեղեկություններով, 2010 թ. մեկ շնչին բաժին ընկնող ՀՆԱ-ն կազմել է 88,222 դոլար: Երկրորդ տեղում գտնվող Լյուքսեմբուրգում այդ ցուցանիշը եղել է 81,466 դոլար: Կատարը գրեթե երկու անգամ գերազանցել է ԱՄՆ ցուցանիշը, որտեղ մեկ շնչին բաժին է ընկնում 46,860 դոլար: ԱՄՀ-ի տեղեկություններով` 2016 թ. Կատարում այս ցուցանիշը կարող է հասնել 111,963 դոլարի, ինչն այս երկրին թույլ կտա պահպանել առաջնությունը:
Համեմատության համար նշենք, որ Հայաստանում այդ ցուցանիշը կազմում է 5,700 դոլար:
