Իրանի նախագահ Մահմուդ Ահմադինեժադը խոստովանել է, որ ակտիվ բանակցություններ է վարում Ռուսաստանի հետ նոր ատոմակայաններ կառուցելու հարցի շուրջը: Այս մասին նա ասել է RussiaTodayհեռուստաալիքին տված հարցազրույցում: «Մենք ակտիվ բանակցություններ ենք վարում Ռուսատսանի հետ նոր ԱԷԿ-ների կառուցման հարցի շուրջը»,- ասել է նա:
«Ատոմակայաններ կառուցելու մեր սեփական ծրագրերն ունենք, սակայն դրանցում էլ մենք, անկասկած, օգտագործելու ենք միջազգային մասնագետների փորձը: Մենք չենք հայտարարել, որ այլ ատոմակայաններ ենք կառուցելու առանց օտարերկրյա գործընկերների հետ համագործակցության»,- ասել է Ահմադինեժադը` հավելելով, որ իրենք ոչ մեկից կախում չունեն և հույսը ոչ մեկի վրա չեն դրել, և որ երկիրը առաջարկի համագործակցություն, այն կընդունվի:
Հիշեցնենք, որ Բուշեհրիատոմակայնի կառուցման շուրջ խոսակցությունները մինչև հիմա չեն դադարում: 1975թ. դրա կառուցումը սկսել էին գերմանացիները, սակայն ավելի ուշ շարունակել էին Ռուսաստանի մասնագետները: Բուշեհրը, որը Իրանի միջուկային ծրագրի բաղկացուցիչ մասն է, միացվել է Իրանի էներգետիկ համակարգին միայն այս տարի: Արևմուտքում շատերը կարծում են, որ Բուշեհրի տեխնոլոգիաները կարող են թույլ տալ Իրանին ստեղծել ատոմային զենք: