ԱԺ «Ժառանգություն» խմբակցության ղեկավար Ստեփան Սաֆարյանն «Առաջին լրատվականի» հետ զրույցում գնահատեց ԼՂ խնդրի վերաբերյալ Աստանայի փաստաթուղթը: «Աստանայի հայտարարությամբ Ադրբեջանից ու Հայաստանից կորզվեց ստորագրություն` Աքվիլայի հռչակագրում հիշատակված 6 կետերն ընդունելու մասին: Աստանայում ՀՀ-ն ստանձնեց պարտավարություն` չճանաչել ԼՂ-ը: ՀՀ-ն բացառեց իր համար որևէ այլընտրանքային ռազմավարություն և համաձայնեց ապավինել միայն ու միայն ԵԱՀԿ Մինսկի խմբին, և իր համար փակեց Արցախի շահերից բխող, Արցախի հետ կապված այլ ռազմավարություն իրականացնելու հնարավորությունը, եթե դա միջազգային հանրությունը և ԵԱՀԿ ՄԽ-ն չցանկանան»,- ասաց նա:
