Հնդկաստանի հյուսիսում տեղի ունեցած երկրաշարժի հետևանքով զոհերի թիվը հասել է 68-ի: Ինչպես հայտնում է newsru.com-ը, տուժածների թիվը հասել է 400-ի:
Պարզվել է, որ երկրաշարժից փորձել են օգտվել Ջալլայղուրի քաղաքում գտնվող մոտ 1100 բանտարկյալներ: Ցնցումների հետևանքով քանդվել են բանտի պատերը, որոշ մեկուսարանների դռներն ու պատուհանները վնասվել են, ինչը թույլ է տվել դատապարտյալներին քանդել ճաղերը և դուրս գալ, սակայն բանտի պահակազորը կարողացել է նրանց դեմն առնել: Բանտի պահպանության համար ոստիկանության նոր ուժեր են պահանջվել:
Հիշեցնենք, որ Հնդկաստանի և Նեպալի սահմանագծին երեկ 6.8 բալ ուժգնությամբ երկրաշարժ է տեղի ունեցել: Աղետի գոտում կապի և էլեկտրականության հետ խնդիրներ են առաջացել, ինչի պատճառով փրկարարական աշխատանքները շատ դանդաղ են ընթանում: