Գեղարքունիքի մարզի բուժհաստատություններում 2024 թվականի փետրվարին ծնվել է 92 երեխա՝ 57 տղա և 35 աղջիկ։
Ինչպես տեղեկացավ Գեղարքունիքի մարզպետի աշխատակազմի առողջապահության և սոցիալական հարցերի վարչությունից, 42 երեխա ծնվել է Մարտունու ծննդատանը, 20 երեխա՝ Սևանի, 18 երեխա՝ Գավառի, 12 երեխա՝ Վարդենիսի բժշկական կենտրոններում։ Ճամբարակի առողջության կենտրոնում ծնունդ չի գրանցվել։
Նույն աղբյուրի հավաստմամբ՝ 2023 թվականի փետրվարին Գեղարքունիքի մարզի ծննդօգնություն իրականացնող բուժհաստատություններում ծնվել է 94 երեխա։
