Ուկրաինայի նախագահ Վլադիմիր Զելենսկին սկսել է հասկանալ, որ ռուս-ուկրաինական հակամարտության կարգավորման քաղաքական ճանապարհը միակն է։ Ինչպես տեղեկացնում է «ՌԻԱ Նովոստի»-ն, այդ մասին հայտարարել է Բելառուսի նախագահ Ալեքսանդր Լուկաշենկոն։
«Կարծում եմ, որ 2024 թվականին Ուկրաինայի հարցով լավագույն լուծումը գտնելու հնարավորության համար մենք Կիևի իշխանությունների հետ կաշխատենք ավելի սերտորեն։ Եթե նրանք չօգտվեն այդ հնարավորությունից, ապա լիակատար փլուզում կլինի»,- ասել է Լուկաշենկոն:
Նրա խոսքով՝ զինվորականները միշտ ճնշում են գործադրում, որովհետև տեսնում են, թե ինչ է կատարվում։ Ճնշումը շատ ուժեղ է։
«Դուք հավանաբար Զելենսկու ասուլիսից նկատեցիք, որ նա սկսում է հասկանալ բանակցելու անհրաժեշտությունը», – նշել է Լուկաշենկոն։
