«Այն, որ էդ յոթ հոգին մասնակցել են քաշքշուկին` փաստ է: Էլ չեմ խոսում, որ էդ յոթ հոգին կարող էին մեր ոստիկանների ուսադիրները պոկեին, ճանկռոտեին, թե էդ յոթ հոգին եղունգներ չունեին, Աստծո գառներ էին»,- այսօր Կառավարության նիստից հետո լրագրողների հետ հարցուպատասխանի ընթացքում անդրադառնալով ՀԱԿ յոթ ակտիվիստների և ոստիկանության միջև անցած ամիս տեղի ունեցած միջադեպին` նշեց ՀՀ ոստիկանապետ Ալիկ Սարգսյանը:
Հարցին, թե արդյոք այդ միջադեպը պլանավորվա՞ծ է եղել ՀԱԿ ակտիվիստների կողմից, Ալիկ Սարգսյանը պատասխանեց. «Էն ռուսի ասած` какой привет, такой ответ, հա, կարծում եմ, պլանավորված է եղել` իրենք մոտեցել են մեր ոստիկաններին, սադրանքը արել են, հետո իրենց համակիրները` 20 հոգի, եկել-մասնակցել են էդ միջադեպին, եղավ, էս էլ իրանց համապատասխան պատասխան: Ոնց որ իրանք կարան մտածեն, էն ինչ-որ իրենց ձեռ է տալի, ես էլ կարամ մտածեմ, էն ինչ-որ ինձ ա ձեռ տալիս, թեև իրականում այդպես է եղել»:
Ալիկ Սարգսյանը նշեց, որ ինքն իր խոսքերի համար չի ափսոսում:
