«Եվրասիա» հիմնադրամի անցկացրած հարցումների շրջանակում՝ «Համաձա՞յն եք արդյոք այն տեսակետին, որ մեր ապրելակերպը պետք է պաշտպանել եվրոպական ազդեցությունից» հարցին հայաստանցիների 26%-ը պատասխանել է, որ լիովին համաձայն է: Ադրբեջանում լիովին համաձայն է 35%-ը, իսկ Վրաստանում` 18%-ը: «Համաձա՞յն եք արդյոք այն տեսակետին, որ մեր ապրելակերպը պետք է պաշտպանել ռուսական ազդեցությունից» հարցին «Լիովին համաձայն եմ» պատասխանել է հայաստանցիների 17%-ը: Ադրբեջանում հարցին նույն պատասխանն է տվել 32%-ը, իսկ Վրաստանում` 25%-ը: «Համաձա՞յն եք արդյոք այն տեսակետին, որ մեր ապրելակերպը պետք է պաշտպանել ամերիկյան ազդեցությունից» հարցին լիովին համաձայն է հայաստանցիների 30%-ը, ադրբեջանցիների 37%-ը, վրացիների` 20%-ը: Հայաստանցիների 93%-ը հավանություն է տալիս, երբ իր ազգակիցները ընկերություն են անում ռուսների հետ, 81%-ը կողմ է ամերիկացիների հետ ընկերությանը, 34%-ը` թուրքերի, 30%-ը` ադրբեջանցիների հետ ընկերությանը: Ադրբեջանցիների 81%-ը կողմ է թուրքերի հետ ընկերություն անելուն, 55%-ը` ռուսների, 44%-ը` վրացիների: Փոխարենը ադրբեջանցիների միայն մեկ տոկոսն է կողմ հայերի հետ ընկերություն անելուն, իսկ իննսունյոթ տոկոսը դեմ է արտահայտվել դրան: Վրացիների 98%-ը կողմ է հայերի հետ ընկերություն անելուն: Ադրբեջանցիների հետ ուզում է ընկերություն անել վրացիների 79%-ը, թուրքերի հետ` 72%-ը, ռուսների հետ` 79%-ը, ամերիկացիների հետ`84%-ը: Առհասարակ, դատելով հարցումներից, վրացիներն այլ ազգերի նկատմամբ աչքի են ընկնում յուրօրինակ հանդուրժողականությամբ: Հարցվածների մեջ ամենացածր տոկոս են կազմել չինացիների հետ ընկերության կողմնակիցները (66%):
