Անգլիայի առաջնության 4-րդ տուրում հերթական խոշոր հաշվով հաղթանակները տարան «Մանչեսթեր Յունայթեդ»-ն ու «Մանչեսթեր Սիթի»-ն և վաստակած 12-ական միավորով շարունակում են գլխավորել մրցաշարային աղյուսակը:
«Սիթի»-ն 3:0 հաշվով պարտության մատնեց «Ուիգան»-ին. հեթ տրիկի հեղինակ դարձավ թիմի նորեկ Ագուերոն (13, 63, 69 ր.), Տևեսը չիրացրեց 11-մետրանոց հարվածը: «Յունայթեդ»-ը հյուրընկալվելիս 5 անպատասխան գնդակ ուղարկեց «Բոլթոն»-ի դարպասը. Ռունին դարձավ հեթ տրիկի հեղինակ (20, 25, 68 ր.), Չիչարիտոն` դուբլի (5, 58 ր.): Փաստորեն, «Սիթի»-ն ու «Յունայթեդ»-ը միասին մեկնարկային 4 տուրում 33 գոլ են խփել:
4-րդ տուրում հաղթանակներ տարան նաև «Չելսի»-ն ու «Արսենալ»-ը: «Ազնվականներ»-ը 1:2 հաշվով պարտության մատնեցին «Սանդերլենդ»-ին, «Արսենալ»-ը նվազագույն հաշվով առավելության հասավ «Սուոնսի»-ի նկատմամբ:
Մյուս հանդիպումներում գրանցվեցին հետևյալ արդյունքները.
«Էվերտոն»-«Աստոն Վիլլա»` 2:2:
«Սթուք»-«Լիվերպուլ»` 1:0:
«Վուլվերհեմփթոն»-«Տոտենհեմ»` 0:2:
Եվս 3 հանդիպում կկայանա սեպտեմբերի 11-ին և 12-ին:
