Ես և ոչ միայն ես, այլև հայ բնակչության մեծամասնությունը բացարձակ հակահայկական հիստերիա չենք տեսնում Վրաստանում: Այս մասին «Առաջին լրատվական»-ի հետ զրույցում նշել է «Բազմազգ Վրաստան» կազմակերպության ղեկավար Առնոլդ Ստեփանյանը:
«Եղել են պահեր, որ եղել են նման բաներ: Այն ուժերը, որոնք ունակ են իրական հակահայկական հիստերիա ստեղծել երկրում, մենք այդ ուժերին մոնիտորինգ ենք անում, նրանց վաղուց նույնականացրել ենք և հետևում ենք, և այսօր այդ ուժերից ոչ մեկն ակտիվ չէ»,-ասաց նա:
Անդրադառնալով նրան, որ վերջերս «Տրիբունա» քաղաքական շարժման պաստառի ներքո հայերի նկատմամբ հայհոյախառն արտահայտություններ են հնչեն, Ստեփանյանն ասաց. «Եթե խոսքը «Տրիբունա»-ի մասին է, ապա նրա վարկանիշը շատ ցածր է, մյուս կողմից «Տրիբունան» այն կուսակցությունից է, որը շատ հայ անդամներ ունի: Ես շատ հայերի եմ ճանաչում, որ այդ կուսակցության մեջ են: Ես չեմ պատկերացնում, որ դա «Տրիբունայի» մոտեցումը լինի: Հատկանշական է, որ այդ մարդը ոչ միայն հայերի մասին է խոսել, այլ հայերի, ադրբեջանցիների ու եզդիների: Եթե սա համարում ենք հակահայկական հիստերիա, նույնկերպ կարող ենք խոսել հակաադրբեջանական ու հակաեզդիական հիստերիայի մասին