Ռուսաստանի կրթության նախարարությունը երեկ հայտարարել է՝ իրականացվում է Անկախ պետությունների համագործակցության երկրներում ռուսական դպրոցների կառուցման նախագիծ։ Երկխոսություն է ընթանում Հայաստանում 4 դպրոցի կառուցման շուրջ։ Ռուսաստանի կրթության փոխնախարար Դենիս Գրիբովը հայտարարել է, թե դրսում աշխատող իրենց ուսուցիչները Ռուսաստանի մշակույթի և պատմության դիրիժորներն են։ Հայաստանում անկախությունից հետո փակված ռուսական դպրոցները վերաբացելու Ռուսաստանի պահանջը նոր չէ։ Լեզուն, մշակույթը, կրոնը քաղաքական լուրջ գործիքներ են, եւ զարմանալի չէ, որ ռուսաստանյան տարբեր տրամաչափի գործիչներ պարբերաբար բարձրացնում են այդ հարցը։