«Հաջորդ շաբաթ տեղի է ունենալու իմ համերգը, մեծ աջակցություն ցուցաբերեց մշակույթի նախարարությունը»,- լրագրողների հետ հանդիպմանը տեղեկացրեց կոմպոզիտոր Արամ Սաթյանը: «Հետաքրքիր նախագիծ է, լինելու են էստրադային լավագույն ներկայացուցիչները` Սյուզան Մարգարյանը, Ռաիսա Մկրտչյանը,- ասաց կոմպոզիտորը,- լինելու է անգամ Աշոտ Ղազարյանը»
Նրա խոսքով` ինքը զբաղվել է տարբեր ժանրերի ստեղծագործություններ գրելով, փորձել է սինթեզել փոփն ու օպերան, դրա արտացոլումը կերևա համերգին։
Երգչուհի Սյուզան Մարգարյանն էլ, գնահատելով Արամ Սաթյանի ստեղծագործությունը, նշեց, որ մի քանի երգեր կատարել է նրանից, բայց ամենակարևորը` «Սերն անցավ» երգն է, որը կկատարի համերգին, «Շատ ուրախ եմ, որ համերգը կկայանա, նրա երաժշտույթյունն ինձ համար ժամանակ չի ճանաչում»,- ասաց Ս. Մարգարյանը` ընդգծելով, որ հանդիսատեսի ցանկությամբ այն վերաձայնագրել է:
