Իսրայելական Mig News-ի փոխանցմամբ՝ թուրքական ավիաընկերությունները սկսել են կրճատել դեպի Իսրայել շաբաթական թռիչքները, ինչը պայմանավորված է թուրք-իսրայելական ներկայիս ճգնաժամով։ Իսրայելական «Էլ-Ալ» ավիաընկերությունը մտահոգված է, որ Թուրքիան կարող է ավիալիցքավորիչներին արգելել թռչել իր տարածքի վրայով։
Եթե Թուրքիայի օդային տարածքը փակվի իսրայելական ավիալիցքավորիչների համար, ապա «Էլ-Ալ»-ի ինքնաթիռները ստիպված կլինեն մեծ շրջանցումներ ձեռնարկել մի շարք ուղղություններով։ Դա մասնավորապես վերաբերում է Հեռավոր Արևելքի երկրներին, այդ թվում՝ նաև Չինաստանին ու Թաիլանդին, ինչպես նաև նախկին խորհրդային երկրներին։
Իսկ դա կհանգեցնի թռիչքների տևողության ու վառելիքի ծախսի ավելացմանը, հետևաբար՝ նաև ավիատոմսի թանկացմանը։
