Եթե հավակնում ենք ժամանակակից հասարակություն դառնալ, կնոջ դերը Զինված ուժերում պետք է մեծ լինի: «Առաջին լրատվական»-ի հետ զրույցում նման տեսակետ հայտնեց ռազմական փորձագետ Մհեր Հակոբյանը:
Ըստ փորձագետի` կնոջ կամավոր ծառայության գաղափարը լավն է, բայց կա մի փոքր թերհավատ մոտեցում. «Մենք պատրիարխալ հասարակություն ենք, կասկածում եմ, որ աղջիկները կգնան կամավոր զինծառայության»: Ռազմական փորձագետը անդրադարձավ նաև Լաչինի միջանցքի շրջափակմանը, նկատեց. «Ադրբեջանի կողմից Լաչինի միջանցքի փակումը ահաբեկչություն է: Արցախահայությանը ահաբեկում են, որ Ալիևը հասնի իր նպատակներին: Արցախահայությունը մահացու վտանգի տակ են: Լաչինում Էդողանի և Ալիևի հակահայ քաղաքականության շարունակությունն է»: