Կարնեգի հիմնադրամի Ռուսաստանի և Եվրասիայի ծրագրերի խորհրդի անդամ Փոլ Սթրոնսկին այցելել է Հայաստան և ինչպես ինքն է նշում՝տեղում հասկանալ՝ ինչ է տեղի ունենում:
Սթրոնսկու խոսքով՝ ԱՄՆ-ն վերադասավորում է գործընթացները Հարավային Կովկասում․ «Բայդենի վարչակազմը հետաքրքրված է Հարավային Կովկասով: ԱՄՆ-ն այս պահին մեծապես կենտրոնացած է Ուկրաինայի վրա, բայց շատ լավ իրազեկված է տարածաշրջանի խնդիրներով: Տարբեր ձևեր կան, որ ԱՄՆ-ն կարող է նվազեցնել այս տարածաշրջանում լարվածությունը: Խորը մարդասիրական ճգնաժամ է Լաչինում, միջազգային հանրությունը հստակ պետք է արձագանքի: ԱՄՆ-ն փորձում է Լաչինի հարցով ինչ-որ բաներ անել»:
Հայաստանի մասով Բայդենն էլ, պետքարտուղարն էլ ուշադիր հետևում են գործընթացներին, նշում Սթրոնսկին և ավելացնում․ «Վաշինգտոնը տեսնում է վտանգները տարածաշրջանում, փորձում առանց վնաս հասցնելու աջակցել: Այս պահին ամենակարևորը Լաչինի միջանցքի ապաշրջափակումն է: ԱՄՆ-ն Լաչինի հարցով հստակ արձանագրել է՝ ինչ է ուզում: Լաչինի հարցով անհրաժեշտ է ռուս-ամերիկյան հարաբերությունների դժվարությունը մի կողմ դնել»:
Ըստ Սթրոնսկու՝ ԱՄՆ-ն և ԵՄ-ն փորձում են նվազեցնել հայ-ադրբեջանական լարվածությունը, այլընտրանքներ են փնտրում․ «Հայ-ադրբեջանական բանակցությունները անցնում են այլ փուլի, որը Մոսկվային դուր չի գալիս: Կան ջանքեր Հայաստանին ու Ադրբեջանին բանակցությունների սեղան բերել, բայց գլխավորը Լաչինի հարցն է: Խաղաղության պայմանագրի գործընթացը հետաձգվել է Լաչինի ճգնաժամի հետևանքով: ԵՄ-ի ու ԱՄՆ-ի ջանքերով կգտնվեն լուծումներ, կնվազեցվի լարվածությունը: Չեմ կարծում, որ ԱՄՆ-ն ցանկանում է թուլացնել ՌԴ-ի դիրքերը տարածաշրջանում, Մոսկվան ինքն է թուլացրել»:
