Ռուսաստան-Թուրքիա-Սիրիա ֆորմատին փորձում են կամ Իրանին, կամ ԱՄԷ-ին միացնել, բայց Սիրիան ունի նախապայմաններ: «Առաջին լրատվական»-ի հետ զրույցում նշեց արևելագետ, Քաղաքակրթական և մշակութային հետազոտությունների կենտրոնի ավագ գիտաշխատող Հայկ Քոչարյանը:
Նրա խոսքով՝Էրդողանը ընտրություններից առաջ շտապում է դրական բան գրանցել․ «Էրդողանը միշտ ասում և անում է այն, ինչ ուզում է: Ռուսաստանը փորձում է ցույց տալ, որ ինքը կա և ինչ-որ հարցեր կարող է լուծել Մերձավոր Արևելքում: Առաջիկա ընտրությունները շատ բան կորոշեն Թուրքիայում․ Էրդողանը ամեն ինչ անում է, որ վերընտրվի: Եթե Էրդողանը վերընտրվի, կշարունակվի իր կամակորությունները: Պուտինը խոստովանել է՝ Էրդողանը այն տղամարդն է, որի հետ կարելի է պայմանավորվել ու անել»: