Երևան, դեկտեմբերի 15, 2022– Բիբլոս Բանկ Արմենիայի հաճախորդներն այսուհետ կարող են օգտվել վճարման ավելի ապահով, անվտանգ և վստահելի գործիքից՝ Apple Pay-ից, որը կօգնի խուսափել վճարային քարտը այլ անձանց հանձնելուց, վճարային տերմինալի կոճակներին դիպչելուց կամ կանխիկ գումար փոխանակելուց: Apple Pay-ի միջոցով իրականացվող յուրաքանչյուր գործարք պաշտպանված է iPhone-ի նորարարական տեխնոլոգիաներով:
Անհպում վճարում կատարելու համար բավական է iPhone-ը կամ Apple Watch-ը մոտեցնել վճարային տերմինալին: Apple Pay-ով արված յուրաքանչյուր վճարում ապահովված է հուսալի պաշտպանությամբ, քանի որ այն վավերացվում է Face ID-ով, Touch ID-ով կամ սարքի գաղտնաբառով, ինչպես նաև մեկանգամյա չկրկնվող դինամիկ անվտանգության կոդով: Apple Pay-ով վճարումներ կարելի է կատարել մթերային խանութներում, դեղատներում, ռեստորաններում, սրճարաններում, մանրածախ առևտրի կետերում և այլ վայրերում:
Apple Pay-ը կարելի է նաև օգտագործել Safari-ում կամ հավելվածներում iPhone-ով, iPad-ով և Mac-ով ավելի արագ և հարմար գնումներ կատարելու համար, ընդ որում՝ առանց օգտահաշիվներ ստեղծելու կամ առաքման և վճարային տեղեկությունները մի քանի անգամ մուտքագրելու անհրաժեշտության: Apple Pay-ը նաև հեշտացնում է սննդի առաքման, առցանց գնումների, փոխադրման և կայանման համար վճարումները: Այն կարելի է օգտագործել Apple Watch-ի հավելվածներում վճարումներ կատարելու համար ևս:
Անվտանգությունն ու գաղտնիությունը առանցքային նշանակություն ունեն Apple Pay-ի համար: Կրեդիտային կամ դեբետային քարտը Apple Pay-ին կցելիս տվյալ քարտի իրական համարը չի պահվում ո՛չ սարքում, ո՛չ էլ Apple-ի սերվերներում: Փոխարենը սարքին շնորհվում է չկրկնվող հաշվի համար, որը գաղտնագրվում և պահվում է այդ սարքի «Անվտանգ տարր» (Secure Element) հավաստագրված չիպի մեջ, որը նախատեսված է վճարային տեղեկատվության անվտանգ պահպանման համար:
Apple Pay-ը կարգավորելը շատ հեշտ է: Պարզապես պետք է մտնել iPhone-ում առկա Wallet հավելվածը, սեղմել «+» նշանը և հետևել հրահանգներին՝ Բիբլոս Բանկ Արմենիայի կրեդիտային կամ դեբետային քարտն ավելացնելու համար: Քարտը iPhone-ին, Apple Watch-ին, iPad-ին և Mac-ին կցելուց անմիջապես հետո հաճախորդը կարող է օգտագործել Apple Pay-ը: Հաճախորդները կշարունակեն ստանալ բոլոր զեղչերն ու առավելությունները, որոնք Բիբլոս Բանկ Արմենիան առաջարկում է իր քարտապաններին:
Apple Pay-ի մասին ավելին իմանալու համար այցելեք` www.apple.com/apple-pay
Բիբլոս Բանկ Արմենիայի մասին ավելին իմանալու համար այցելեք՝ www.byblosbankarmenia.am
————
«Բիբլոս Բանկ Արմենիա» ՓԲԸ-ն հիմնադրվել և բացել է իր առաջին մասնաճյուղի դռները 2007 թվականին։ Այսօր Երևան քաղաքում գործում են Բանկի թվով չորս մասնաճյուղեր, որտեղ հաճախորդները կարող են օգտվել տարատեսակ բանկային ծառայություններից և ստանալ ֆինանսական խորհրդատվություն։ Բանկն իր հաճախորդներին առաջարկում է միջազգային ստանդարտներին համապատասխան կորպորատիվ և մանրածախ բանկային ծառայություններ:
Հարգանքով՝
Բիբլոս Բանկ Արմենիա ՓԲԸ
Հասարակայնության հետ կապերի բաժին
Հեռ․՝ +374 60 616100 (9015)
