Բրազիլիայի նախագահ Լուիս Ինասիու Լուլա դա Սիլվան նախագահական ընտրություններում իր հաղթանակի վավերացման արարողության ժամանակ չի կարողացել զսպել հուզմունքը:
«Ուզում եմ ներողություն խնդրել զգացմունքներիս համար, որովհետև այն, ինչի միջով ես անցել եմ վերջին տարիների ընթացքում և այն փաստը, որ հիմա այստեղ եմ, նշանակում է, որ Աստված իսկապես գոյություն ունի, և որ Բրազիլիայի ժողովուրդն ավելի կարևոր է, քան ցանկացած մարդ, որ փորձում է դեմ գնալ այս երկրին», – նշել է Լուլա դա Սիլվան:
Բրազիլիայում հոկտեմբերի վերջին կայացած նախագահական ընտրությունների երկրորդ փուլում երկրի նախկին նախագահ Լուիս Ինասիու Լուլա դա Սիլվան ձայների 50.9%-ով հաղթել էր երկրի գործող նախագահ Ժաիր Բոլսոնարուին, ով ստացել էր ընտրողների ձայների 49,1 %-ը։
77-ամյա Լուլա դա Սիլվան Բրազիլիայի նախագահն էր եղել 2003-2010 թթ.-ին։ 2008 թ.-ին նա ազատազրկվել էր կոռուպցիայի մեղադրանքով։ 580 օր բանտում անցկացնելուց հետո Լուլա դա Սիլվայի դատավճիռը չեղարկվել էր, և նա վերադարձել էր քաղաքականություն։