Նոյեմբերի 11-ին հայկական լրատվամիջոցներում հայտվեցին վերնագրեր, որոնք վերաբերում էին ԱՄՆ պետքարտուղարության ներկայացուցիչ Նեդ Փրայսի արած հայտարարություններին, թե «ԱՄՆ-ը մտադիր է պաշտպանել Ադրբեջանը Իրանի սպառնալիքներից» կամ «ԱՄՆ պետդեպը հայտարարել է, որ Ադրբեջանին կօգնի Իրանի դեմ պայքարում», մինչդեռ իրանագետ, թարգմանիչ Տիգրան Դավուդյանը պնդում է, որ դա սխալ թարգմանության հետևանք է, թարգմանվածը բառացի չէ, այլ մեկնաբանություն է։
Այ առնչությամբ, «Առաջին լրատվական»-ի հետ զրույցում իրանագետ, թարգմանիչ Տիգրան Դավուդյանը կարծիք հայտնեց, որ բնական է, որ որոշ ուժեր միտումնավոր են դա անում. «Կայքերը որ հատվածն ուզում են, դա են վերցրել: Որոշ օգտատերեր իրենց կողմն էին քաշում։ Կոնկրետ ԱՄՆ-ն այսպես է հայտարարել, որ Իրանը եթե որևէ հարևանի հանդեպ ոտնձգություն ունենա, ԱՄՆ -ն կպաշտպանի, և չի ասել, որ Ադրբեջանին կպաշտպանի: Այո, թղթակիցը տալիս է Ադրբեջանի անունը, սակայն Փրայսի պատասխանը հետևյալն է՝ եթե որևէ հարևան…»:
Դավությանը նշեց, որ Իրանի Իսլամական Հանրապետությունը իրեն վտանգված է զգում մի շարք ոչ բարեկամական հարևանների և պետությունների կողմից. «Ոչ բարեկամական երկրների շարքում են Իսրայելը, Սաուդյան Արաբիան, թուրքախոս հանրապետությունները։ Վերջերս Շիրազ քաղաքում մզկիթ պայթեցրին, Իրանի հատուկ ծառայությունները բացահայտեցին, որ այդ տեռորիստներից մեկը եկել էր Ադրբեջանից, երկրորդ՝ սունի քաղաքացիներն են, որոնք ակտիվ են այս ցույցերին, և բավականին խնդիրներ են ստեղծում կենտրանական իշխանության համար, քանի որ ինչպես գիտեք, Իրանի ղեկավարները բոլորը շիա դավանանքի հետևորդ են։
Իրանի էթնիկ չորս խմբավորումներ սունի են, միայն թուրքախոս ատրպատականցիներն են, որ շիա են։ Իրանի Իսլամական Հանրապետության բալյուչների և արաբների թիկունքում կանգնած է Սաուդյան Արաբյան, և Իրանը նորից սպառնացել էր Սաուդյան Արաբիային։ Իրանը Սաուդյան Արաբիայի վրա հրթիռ արձակեց երկու տարի առաջ։ Հիմա նորից սպառնացել էր: Մյուս կողմից Շիրազում Ւրանի հատուկ ծառայությունները Շիրազում շիական մզկիթի պայթյունի մեջ այս անգամ մեղադրեցին Ադրբեջանին՝ նշելով, որ նա դեր ունի այս գործում։ Իրանը կանչեց Ադրբեջանի դեսպանին, Ադրբեջանը Իրանի դեսպանին:
Այս համատեքստում, ԱՄՆ-ն պատասխանում է, որ որևէ հարևանի դեպքում իրենք կկանգնեն այդ երկրի կողքին, և այդ «որևէ հարևանը» Սաուդական Արաբիան է, Ինքնավար Քյուրդստանը, որը գտնվում է Իրաքի հյուսիսում։ Սրա մեջ, իհարկե, մտնում է նաև Ադրբեջանը։ Իրանը զայրացած է, քանի որ մզիկթի պայթեցնողներից մեկը ադրբեջանցի է»,-հայտարարեց Դավուդյանը:
Անդրադառնալով Իրանի ներսում տեղի ունեցող իրադարձություններին, իրանագետն ասաց, որ վերջին օրերին Իրանում ցույցերը հանդարտվել են, իրավապահները կանխում են, հակազդեցություն են ցույց տալիս. «Բացի այդ 10 000-ից ավելի ձերբակալված կա, որոշների դատավարությունը սկսվել է, և երեկ էլ ցուցարարներից մեկը դատապարտվեց մահվան, նաև 5-10 տարվա ազատազրկման։ Ցուցարարները նաև իրավապահ մարմնի ներկայացուցչի վրա են հարձակվել, և այնքան են հարվածել, որ վերջինս մահացել է։ Իրավապահ մարմինները տեսագրություններով կարողացել են բացահայտել մեղավորին և ձերբակալել»:
Դավուդյանը նկատեց, որ Արևմուտքին և Իսրայելին մտահոգում է այն, որ Իրանը գերձայնային արագության հրթիռ է փորձարկելու. «Նրա արագությունը 5 անգամ ավելի մեծ է սովորական գերձայնային արագության հրթիռից, բացի այդ էլ ռադարները չեն կարողանում բացահայտել, սա այդ հրթիռի առավելությունն է, որը Իրանը շուտով կփորձարկի»,-ասաց նա:
