Նոյեմբերի 27-ին Սիսիանում վերաբացվեց Համո Սահյանի անվան մշակույթի կենտրոնը: Նորոգման աշխատանքները սկսվել էին 2009թ-ի օգոստոսից: Այն հնարավորություն դարձավ Հայաստանի սոցներդրումների հիմնադրամի ֆինանսավորմամբ: Ծրագրի ընդհանուր արժեքը 110 մլն դրամ է, որի 10 տոկոսը ներ է դրել Սիսիանի քաղաքապետարանը: Լիովին փոխվել է անցած դարի 60-ականներին ժողովրդական ճարտարապետ Ռաֆայել Իսրայելյանի նախագծով կառուցված կենտրոնի շենքը: Մեծ բեմահարթակ, նոր, 100 քմ ընդհանուր մակերեսով երկհարկանի կցակառույց` հետնամուտքով, հարդարման սենյակներով, սանհանգույցով, նախաբեմով: Առաջին հարկում առանձնացված են նիստերի սրահը, երաժշտական խմբասենյակները, խոհանոցը: Դահլիճի 340 աթոռների ձեռքբերումն իրականացվել է Սոցներդրումների հիմնադրամի միջոցներով` մեկ այլ ծրագրի շրջանակում: Հիմնադրամը կլուծի նաև գրասենյակային սեղանների, պահարանների և հանդերձարանի կահավորման խնդիրները: Ջեռուցման հարցը նույնպես լուծված է. Կաթսայատան սարքավորումների և ջեռուցման մարտկոցների ձեռքբերման հարցում աջակցել է միջազգային RTI կազմակերպությունը