Գնալով ակնհայտ է դառնում՝ ՌԴ-ն հասել է նրան, որ ճանապարհը ինքն է վերահսկելու: «Առաջին լրատվական»-ի հետ զրույցում նշեց Երևանի մամուլի ակումբի նախագահ Բորիս Նավասարդյանը:
Նավասարդյանի խոսքով՝ Ռուսաստանն այս փուլում հասել է իր նպատակին՝ գինը Լաչինի ճանապարհն է․ «Արդեն պարզ է, որ Լաչինի նոր ճանապարհին լինելու է ռուսական վերահսկողություն: Հայաստանը մինչ օրս որևէ հարց չի փորձել լուծել Ադրբեջանի հետ: Մենք կորցրել ենք ժամանակը և կանգնել փաստի առաջ: Ադրբեջանի ու Թուրքիայի շահերի հետ համընկնումը ՌԴ-ի համար ավելի նախընտրելի է, քան թույլ Հայաստանը: Հայաստանը պետք է ուղիղ խոսի Թուրքիայի ու Ադրբեջանի հետ, այլապես երրորդ երկիր կխոսի մեր շահերի հաշվին: Պետք է գտնել հարցերի լուծման կայուն ճանապարհ, չմոռանալով ՌԴ գործոնը»:
