Գեղարքունիքի մարզի ծննդօգնություն իրականացնող բուժհաստատություններում 2022 թվականի հունիս ամսին լույս աշխարհ են եկել 106 երեխա։
Ինչպես տեղեկացրին Գեղարքունիքի մարզպետարանի առողջապահության եւ սոցիալական ապահովության վարչությունից, հունիսին գրանցված ծնունդներից 59-ը տղաներ են, 47-ը՝ աղջիկներ:
40 երեխա ծնվել է Մարտունու ծննդատանը, 20 –ը ՝ Գավառի ԲԿ-ում, 20-ը՝ Սեւանի ԲԿ-ում, 18-ը՝ Վարդենիսի հիվանդանոցում եւ 8-ը՝ Ճամբարակի առողջության կենտրոնում։
Նույն աղբյուրի տեղեկություններով՝ 2021 թվականի հունիսին Գեղարքունիքի մարզի բուժհաստատություններում լույս աշխարհ են եկել 125 երեխա՝ 65 տղա, 60 աղջիկ։
