Հայաստանի Ազգային ժողովի նախագահ Ալեն Սիմոնյանը երկօրյա պաշտոնական այցով վերջերս եղավ Իրանի Իսլամական հանրապետության մայրաքաղաք Թեհրանում, որտեղ հանդիպում ունեցավ Իրանի իսլամական խորհրդարանի նախագահ Մոհամմեդ Բաղեր Ղալիբաֆի և ԻԻՀ Նախագահ Էբրահիմ Ռայիսիի հետ: Տեղի ունեցան Ալեն Սիմոնյանի հանդիպումները մի շարք իրանցի պաշտոնատարների հետ։ Թեմայի շուրջ «Առաջին լրատվական»-ը զրուցել է իրանագետ Գարիկ Միսակյանի հետ:
Իրանագետի խոսքով՝ Ալեն Սիմոնյանի հետ հանդիպմանը Իրանից հնչեցին մի քանի ուշագրավ հայտարարություններ․ «Իրանի խորհրդարանի նախագահը ուշագրավ հայտարարություն արեց: Իրանը հայկական կողմից ակնկալում է ճանապարհների հաղորդակցության բարելավում: Իրանական կողմը միտված է անձամբ ներգրավվել Սյունիքի հատվածում հյուսիս-հարավի շինարարական գործին»:
Ըստ իրանագետի՝ «3+2» հարթակը այնքան էլ լավ չաշխատեց, տարածաշրջանում կան բավականին լուրջ շահերի բախում․ «Երկկողմ հանդիպումներով հստակեցվում է հայ-իրանական օրակարգը : Հայաստանի կարևորությունը Իրանի համար բավականին մեծացել է․ Սյունիքը կարմիր գիծն է»:
