ՌԴ ԱԳՆ խոսնակ Մարիա Զախարովան Արցախի հարցի կարգավորման հարցում ԵՄ միջնորդության վերաբերյալ հայտարարել է, թե Մոսկվան ակնկալում է, որ Բրյուսելը կօգնի իրականացնել Լեռնային Ղարաբաղի շուրջ եռակողմ պայմանավորվածությունները, այլ ոչ թե աշխարհաքաղաքական խաղեր խաղալ:
Նրա խոսքով. «Ռուսաստանի ռազմավարական նպատակն է Հարավային Կովկասը դարձնել կայունության և բարգավաճման գոտի, ինչպես նաև նպաստել այդ գործընթացին: Առանցքային խնդիրներից մեկը Երևանի և Բաքվի միջև հարաբերությունների համալիր կարգավորումն է, կայուն խաղաղության հաստատումը: Ռուսաստանը համապարփակ աջակցություն է ցուցաբերում Երևանի և Բաքվի գործընկերներին բոլոր ուղիներով, ներառյալ՝ տրանսպորտային կապերի ապաշրջափակումը, սահմանների սահմանազատումը, հանրային երկխոսության հաստատումը:
Մենք տեսնում ենք ամենաբարձր մակարդակով պայմանավորվածությունների կատարման գործընթացին ԵՄ-ի միջամտելու համառ փորձերը։ Հուսով ենք, որ Բրյուսելը, եթե ցանկանա, կօգնի դրանք իրականացնելու, այլ ոչ թե աշխարհաքաղաքական խաղեր խաղալ»։
