Այսօր նավթի համաշխարհային գները ցույց են տվել դրական դինամիկա ամերիկյան նավթի ինստիտուտի (API)` երկրում «սև ոսկու» շաբաթական պաշարների նվազման մասին հաշվետվության ֆոնի վրա:
WTI մակնիշի հում նավթի հոկտեմբերյան ֆյուչերսի գները աճել են 0.18 դոլարով. մինչև 85.62 դոլար՝ բարելի դիմաց: Brent մակնիշի նավթի խառնուրդի հոտեմբերյան ֆյուչերսի գները բարձրացել են 0.15 դոլարով. մինչև 109.46 դոլար՝ բարելի դիմաց:
API-ի տվյալներով՝ նավթի շաբաթական պաշարները նվազել են 3 մլն 340 հազար բարելով: Այսօր նավթի և նավթամթերքի պաշարների մասին տվյալներ է հաղորդելու ԱՄՆ էներգետիկայի նախարարությունը: Վերլուծաբանների կանխատեսումներով նավթի պաշարները աճել են 1 մլն 750 հազար բարելով այն դեպքում, երբ բենզինի պաշարները նշված ժամանակում իջել են 1 մլն բարելով` մինչև 209 մլն բարել:
«Եթե էներգետիկայի նախարարությունը հաստատի նավթի պաշարների նվազումը, ապա մենք կարող ենք տեսնել «սև ոսկու» գնի դրական դինամիկայի ամրապնդում»,- լուսաբանել է National Australia Bank Ltd.-ի վերլուծաբան Բեն Ուեստմորը: