Այսօր Անթալիայում մեկնարկել է Ռուսաստանի և Թուրքիայի արտգործնախարարներ Սերգեյ Լավրովի և Մևլութ Չավուշօղլուի հանդիպումը։ Այս մասին հայտնել է ՌԴ ԱԳՆ պաշտոնական ներկայացուցիչ Մարիա Զախարովան Telegram-ի իր ալիքում։ «Անթալիայում սկսվել է Ռուսաստանի և Թուրքիայի ԱԳ նախարարների հանդիպումը»,- հայտնել է Զախարովան։ Հանդիպումն ընթանում է «առանց փողկապների» ձևաչափով։
Լավրովը հինգշաբթի Անթալիայում մասնակցում է դիվանագիտական ֆորումին։ Միջոցառման շրջանակում նախատեսվում է ՌԴ դիվանագիտական առաքելության ղեկավարի հանդիպումը Ուկրաինայի արտաքին գործերի նախարար Դմիտրի Կուլեբայի հետ՝ Չավուշօղլուի մասնակցությամբ, որի ընթացքում Լավրովի հետ քննարկելու հարցեր են՝ հրադադար, հումանիտար իրավիճակի բարելավումը ուկրաինական քաղաքներում, ինչպես նաև ռուսական զորքերի դուրսբերում։ Այդ մասին հայտնել է Ուկրաինայի ԱԳՆ-ն։
