Հայտնի երգիչներ Ալիշա Քիսը, Lady Gaga-ն, Ջասթին Թիմբերլեյքը, Աշերը ՁԻԱՀ-ի դեմ պայքարի համաշխարհային օրը կհրաժարվեն իրենց անձնական էջերից՝ Facebook և Twitter սոցիալական ցանցերում:
«Digital Life Sacrifice» բարեգործական ակցիայի ժամանակ երաժիշտները որոշել են հրաժարվել այդ էջերից այնքան ժամանակով, քանի դեռ Ալիշի Քիսի «Keep a Child Alive» բարեգործական կազմակերպությանը չի հանգանակվի $ 1 մլն: Դա տեղի է ունենալու դեկտեմբերի 1-ից: Ակցիային են միանալու Քիմ և Քլոյե Քարդաշյանները, դերասան Ալայջա Վուդը և թենիսիստուհի Սերեն Ուիլյամսը: Ակցիայի մասնակիցներն արդեն տեսահոլովակ են նկարահանել՝ «Վերջին հրապարակումը Twitter-ում» վերնագրով, որտեղ հայտնի մարդիկ պառկում են դագաղի մեջ, ինչը խորհրդանշում է նրանց մահը սոցիալական կայքերի համար:
