Եվրամիության անդամ երկրների էկոնոմիկայի նախարարների խորհուրդը և Եվրախումբը (եվրագոտու 16 երկրների ֆինանսների նախարարներ) որոշում են կայացրել 85 մլրդ եվրոյի օգնություն ցուցաբերել Իռլանդիային` վերջինիս տնտեսական ճգնաժամը մեղմելու համար: Եվրախմբի նախագահ ժան Կլոդ Յունկերը հայտարարել է, որ այդ ծրագիրը կիրականացվի Արժույթի միջազգային հիմնադրամի հետ միասին: 85-միլիարդանոց փաթեթի մեջ մտնում են՝ 10 մլրդ եվրո ընթացիկ խնդիրների լուծման, 25 մլրդ`բանկային համակարգին աջակցելու և 50 մլրդ` բյուջեի ֆինանսական խնդիրների համար: Եվրամիությունը Իռլանդիային կտրամադրի 45 մլրդ եվրո, ԱՄՆ-ն` 22,5 մլրդ:
Իր հերթին Իռլանդիայի կառավարությունը խոստացել է, որ առաջիկա 4 տարիների ընթացքում կկրճատվեն 15-20 մլրդ եվրոյի բյուջետային ծախսեր, ինչը արդեն իսկ հարուցել է իռլանդացիների դժգոհությունը, որոնք հանգստյան օրերին մեծ հանրահավաք և երթեր են կազմակերպել երկրի տարբեր շրջաններում: