Microsoft-ը հայտարարել է, որ Windows օպերացիոն համակարգի հաջորդ թողարկման` Windows 8-ի մեջ, շուտով կհայտնվի հավելվածների online խանութ: Այս մասին օպերացիոն համակարգերի վրա աշխատողների պաշտոնական բլոգում գրել է Windows-ի բաժնի ղեկավար Սթիվեն Սինոֆսկին:
Օպերացիոն նոր համակարգը հնարավոր կլինի կիրառել ոչ միայն համակարգիչների և նոթբուքերի, այլ նաև պլանշետների համար:
Windows 8-ի` վաճառքի հանվելու մասին լուրերը հայտնվել էին դեռևս ապրիլին, երբ ցանցում հայտնվել էր «սքրինշոթ», որի վրա երևում էր, որ Microsoft-ի ինտերֆեյսը շատ նման է Google Chrome Web Store-ին, Android Market-ին, ինչպես նաև Apple Mac App Store-ին և iOS App Store-ին:
Ենթադրվում է, որ Microsoft-ը Windows 8-ի հետ կապված որոշ մանրամասնություններ կբացահայտի BUILD-ի մշակողների կոնֆերանսում, որը տեղի կունենա սեպտեմբերի 13-ին Կալիֆոռնիայում:
