ՀԱՊԿ հավաքական անվտանգության խորհուրդը առցանց նիստում քննարկել է ղազախական ճգնաժամը: Ղազախստանի նախագահ Տոկաևը, զեկուցելով իրավիճակը, հայտարարել է, որ երկրում սահմանադրական կարգը վերականգնված է, իսկ անկարգությունները նա որակել է պետական հեղաշրջման փորձ, որին կազմակերպիչները պատրաստվել էին երկար, և որը սկսվել էր «մեկ միասնական հրամանով»։ Ղազախստանն ավելի ուշ աշխարհին կներկայացնի ահաբեկչական ագրեսիայի նախապատրաստման ապացույցներ,- ընդգծել է Տոկաևը։ Ղազախստանում կատարվող իրադարձությունների իրական հիմքն իսկապե՞ս սոցիալական բունտն էր, թե՞ հիմքում գլոբալ խնդիրներ ու աշխարհաքաղաքական շարժառիթն էր։ Թեմայի շուրջ «Առաջին լրատվական»-ը զրուցել է ՄԱՀՀԻ ասոցացված փորձագետ Դավիթ Ստեփանյանի հետ: