ԱՄՆ-ն գտել է Թուրքիային ծնկի բերելու բանալին. տարածաշրջանում դերերի բաշխում է

Հայաստանի արտգործնախարարության խոսնակը հայտնել է, որ Հայաստանի և Թուրքիայի հատուկ բանագնացների առաջին հանդիպումը տեղի կունենա հունվարի 14-ին Մոսկվայում: Այն, որ հանդիպումը տեղի կունենա Մոսկվայում, դեռևս օրեր առաջ հայտնել էր Թուրքիայի արտգործնախարար Չավուշօղլուն, սակայն պարզ չէր հանդիպման օրը: Այժմ հայտնի է արդեն, որ հանդիպումը կլինի հունվարի 14-ին: Սա հետաքրքիր հանգամանք է: Ինչպես նկատել էի օրերս հրապարակված անդրադարձում, որոշակի ինտրիգ էր, թե արդյո՞ք հայ-թուրքական հանդիպումը տեղի կունենա մինչև ամերիկա-ռուսական բանակցությունը, թե՞ դրանից հետո: Ամբողջ հարցն այն է, որ հայ-թուրքական հարաբերության գործընթացը անկասկած իր վրա կրելու է ամերիկա-ռուսական հարաբերության ազդեցությունը, այն քննարկումների ներգործությունը, որ վերջին շրջանում բավականին ինտենսիվ ծավալվում են Վաշինգտոնի և Մոսկվայի միջև և որոնց վերաբերյալ «խիստ» բանակցություն է սպասվում հունվարի 10-13-ը: Թեմայի շուրջ «Առաջին լրատվական»-ը զրուցել է վերլուծաբան Արմեն Չիբուխչյանի հետ: