Telegram-ի ստեղծող Պավել Դուրովը եւ Wildberries-ի հիմնադիր Տատյանա Բակալչուկը գլխավորել են Forbes-ի ռուսաստանյան ցուցակի մասնակիցների կարողությունների աճի վարկանիշը:
Դուրովի կարողությունը տարվա ընթացքում աճել Է 13,81 միլիարդ դոլարով՝ դեկտեմբերի 20-ի դրությամբ կազմելով 17,24 միլիարդ դոլար: Ինչպես նշում Է հրատարակությունը, նման փոփոխությունը տեղի Է ունեցել Telegram մեսենջերի գնահատման աճի շնորհիվ:
«2021 թվականի մարտին Telegram-ն առաջին անգամ տեղաբաշխել Է սեփական պարտատոմսերը եւ շուկա բերել 1 միլիարդ դոլար: Նաեւ անցնող տարում մեսենջերը կտրուկ ավելացրել Է օգտատերերի բազան: 2021 թվականի հոկտեմբերին Meta-ի (Facebook), Instagram-ի եւ WhatsApp-ի աշխատանքում տեղի ունեցած խափանումից հետո Telegram-ում գրանցվեցին 70 միլիոն նոր օգտատերեր»,-գրում Է հրատարակությունը:
Բակալչուկի կարողությունը հասել Է 13,02 միլիարդ դոլարի՝ ավելանալով 11,92 միլիարդով: Դրան նպաստել Է Wildberries-ի վերագնահատումը, որը շրջանառության գրեթե երկակի աճ Է ցուցաբերում նախորդ տարվա համեմատությամբ:
Նաեւ ռիթեյլերի արժեքի վրա հաջողությամբ ազդել Է IPO Ozon-ը՝ ընկերության գլխավոր մրցակիցը: Ձեռնարկատերերի հնգյակի մեջ, որոնք 2021 թվականին առավել մեծ չափով են ավելացրել իրենց կարողությունը, նաեւ տեղ են գտել Անդրեյ Մելնիչենկոն, Ալեքսեյ Մորդաշովը եւ Վագիտ Ալեքպերովը, հաղորդել Է ՌԻԱ Նովոստին: