Գորիս-Կապան ճանապարհահատվածին ստեղծվել է նոր իրավիճակ. Ադրբեջանը դեպի Որոտան տանող ճանապարահի 21 կիլոմետրանոց հատվածում մաքսակետ է տեղադրել: Այս օրերին հանրությանն ամենաշատ հուզող հարցն այն է, թե ինչու է Հայաստանը տեղի տվել ադրբեջանական շանտաժին, ինչ իրավական հիմքով է Ադրբեջանը գնացել այս քայլին: ՀՀ իշխանություններն իրենց հերիթն ասում են՝ Սյունիքի մարզի Գորիս-Կապան ճանապարհի դիմաց Ադրբեջանը միջանցք է պահանջել դեպի Նախիջևան:
«Բավականաչափ բարդ է Ադրբեջանի արարքները արդարացնելու կամ մեր հայկական կողմի չարածները հիմնավորելու համար իրավական հիմնավորում գտնելը, իրականում նման իրավական հիմք չկա: Բայց և այնպես պետք է փորձել վերլուծել՝ հաշվի առնելով օբյեկտիվ իրողությունը, հատկապես այն հանգամանքը, թե ինչի հետևանքով այս ամենը տեղի ունեցավ»,-ասաց Արմեն Պետրոսյանը:
Մեր զրուցակցի խոսքով՝ ճանապարհը բացելու միակ արդյունավետ եղանակը ռազմական ճանապարհով Ադրբեջանին հետ մղելն է, բայց մենք տեսնում ենք, որ հետպատերազմյան շրջանում Բաքվի արձանագրած ցանկացած առաջխաղացում ամրագրվել է նույն տեղում, այսինքն զիջում, նահանջ չենք տեսել, ինչ էլ նորից պայմանավորված է հետպատերազմյան իրողությունով, ինչպես նաև ստվերային որոշակի պայմանավորվածություններով:
Առավել մանրամասն՝ տեսանյութում:
